زموږ دریځ
پیوستون یو خپلواک بنسټ دی چې د افغان کلتور، ژبې او ملي ارزښتونو د ساتنې او پیاوړتیا لپاره کار کوي. موږ خلک، فکرونه او نسلونه سره نښلوو، څو په هالنډ کې یوه پیاوړې، ژمنه او راتلونکي ته هیلهمنه ټولنه ولرو.
زموږ لید
یوه یو موټې ټولنه له پیاوړي هویت سره
موږ پر داسې افغانې ټولنې باور لرو چې خپلې کلتوري ریښې وپېژني، ارزښت ورکړي او راتلونکو نسلونو ته یې وسپاري؛ او په ورته وخت کې د هالنډ په ټولنه کې فعال او څرګند ګډون ولري. پیوستون داسې راتلونکی غواړي چې کلتور او ادغام یو بل پیاوړي کړي.
زموږ د لید اساسي ټکي:
- د افغان کلتور، ژبې او ملي دودونو بقا او وده یقیني کول.
- د ټولنیز یووالي او متقابلو اړیکو پیاوړتیا.
- د هویت په جوړولو کې د ځوان نسل ملاتړ او د هویتي بحران پر وړاندې یې ځواکمنول.
- په هالنډ کې فعال او مثبت ټولنیز ګډون.
زموږ ماموریت
د تلپاتې اغېز لپاره ګډ کار
د پیوستون ماموریت د همکارۍ، پوهې شریکولو او ټولنیزې ژمنتیا له لارې د افغانې ټولنې پیاوړتیا ده. موږ له سیاسي او مذهبي تمایلاتو پرته کار کوو او ټولشموله ګډون او برابرۍ ته ژمن یو.
خپل ماموریت په دې لارو عملي کوو:
- د افغانانو ترمنځ د اړیکو، همکارۍ او یووالي ټینګول.
- د افغان کلتور او ژبې ساتنه، وده او ترویج.
- د زدهکړې، کلتور او ټولنیزو چارو د ګډو پروګرامونو رامنځته کول.
- د ځوانانو، ښځو او نویو کډوالو ملاتړ.
زموږ باور
ادغام او د کلتوري هویت ساتنه یو له بل سره په ټکر کې نه دي. پیاوړی هویت د ځانباورۍ، ګډون او ټولنې ته د مثبتې ونډې بنسټ جوړوي. پیوستون داسې راتلونکی غواړي چې تنوع پکې د ځواک سرچینه وبلل شي.
